Cymeradwywyd y Cynllun Lles Lleol Conwy a Sir Ddinbych yn Mawrth 2023, ac mae’n nodi’r amcanion lleol y byddwn ni fel Bwrdd yn eu cymryd i wella lles economaidd, cymdeithasol, diwylliannol ac amgylcheddol yr ardal.

Mae’n ganlyniad y gwaith a ddechreuwyd yn 2021 ac mae’n cynrychioli ein casgliadau ar yr hyn rydym yn teimlo yw’r prif faes sy’n cyflwyno’r angen neu’r her fwyaf i’n cymunedau.  Mae’n ble rydym yn teimlo y gall y BGC wneud y cyfraniad mwyaf heb ddyblygu gwaith da sydd eisoes yn digwydd o fewn partneriaethau a sefydliadau presennol.

Byddwn yn canolbwyntio ar gwneud Conwy a Sir Ddinbych yn lle mwy cyfartal gyda llai o amddifadedd.  Rydym hefyd wedi nodi 4 prif thema ar gyfer cefnogi’r prif nod, gan gynnwys – 

• Lles – Mae cymunedau’n hapusach, yn fwy iach ac yn fwy gwydn i wynebu heriau, megis yr Argyfwng Newid Hinsawdd a Natur, neu’r cynnydd mewn costau byw.
• Economi – Mae yna economi ffyniannus, a gefnogir gan weithlu medrus sy’n barod at y dyfodol.
• Cydraddoldeb – Mae’r rhai â nodweddion a ddiogelir yn wynebu llai o rwystrau.
• Tai – Mae gwell mynediad at dai o ansawdd da.

Er bod llawer o waith wedi’i wneud yn barod i gyrraedd y pwynt yma, dim ond dechrau taith y BGC yw hwn. Mae’r cynllun hwn yn amlinellu beth yr hoffem ei gyflawni, ond mae mwy o waith i’w wneud i ddatblygu ein rhaglen waith.

Byddem yn croesawu eich mewnbwn i hyn fel rhan o’n sgwrs barhaus gyda’n cymunedau.  Os hoffech gael eich hysbysu am ein gwaith, cyfrannu neu ddarparu adborth i ni, cysylltu â ni.

Cliciwch yma i weld Cynllun Lles Lleol Conwy a Sir Ddinbych.