Nodweddion poblogaeth – strwythur oedran hŷn na Chymru a Phrydain, canran arbennig o uchel o bobl 65+ gyda gostyngiad amlwg yn y grŵp oedran 16-44, er ei fod yn strwythur ychydig yn iau na chyfartaledd Bwrdeistref Sirol Conwy. Twf net ychydig yn isel yn y boblogaeth dros y 10 mlynedd ddiwethaf o gymharu â ffigyrau cenedlaethol, ond uwch na chyfartaledd BS Conwy. Dwysedd y boblogaeth yn weddol uchel. Ethnigrwydd a chrefydd gryn dipyn yn llai amrywiol na’r cyfartaledd cenedlaethol.
Iechyd – salwch hirdymor sy’n cyfyngu ar weithgareddau bywyd bob dydd yn sylweddol uwch na chyfartaledd Cymru a Lloegr. Lefelau uchel o bob salwch cronig o gymharu â chyfartaledd Cymru.
Tai a threfniadau byw – nifer aelwydydd pensiynwyr yn unig yn llawer uwch na’r cyfartaledd cenedlaethol – yn enwedig aelwydydd pensiynwyr unigol. Maint cyfartalog aelwydydd yn is na’r cyfartaledd. Lefelau cymharol uchel o rentu eiddo heb fod yn eiddo cymdeithasol (rhentu preifat yn bennaf) a lefelau isel o rentu cymdeithasol. Prisiau tai yn debyg i gyfartaledd Cymru ond yn is na lefelau BS Conwy.
Diogelwch cymunedol – cyfraddau trosedd cyffredinol yn isel o gymharu â ffigyrau Cymru a Lloegr, ac yn debyg i gyfartaledd BS Conwy. Trais yn erbyn yr unigolyn – ychydig yn uwch na ffigwr BS Conwy
Yr economi – cyflogaeth ym meysydd cynhyrchu/cyfathrebu/cyllid/eiddo a’r diwydiannau proffesiynol/technegol/gwyddonol yn gymharol isel. Cyflogaeth gymharol uchel yn y gwasanaethau bwyd a llety (twristiaeth), iechyd a gofal cymdeithasol a manwerthu/adwerthu. Cyfran heb gymwysterau’n uchel o gymharu â ffigyrau cenedlaethol. Cyfradd hawlwyr budd-dal diweithdra’n uchel. Pobl 50+ yn cyfrif am gyfran uwch o’r hawlwyr budd-dal diweithdra na’r cyfartaledd.
Incwm a budd-daliadau – lefelau incwm yn is na’r cyfartaledd cenedlaethol. Cyfran uchel o bobl yn hawlio budd-dal, yn arbennig budd-dal analluogrwydd a chredydau pensiwn
Tlodi ac amddifadedd – cyfran uchel o blant mewn teuluoedd sy’n hawlio Credydau Treth Gwaith – teuluoedd ‘mewn-gwaith’ ac ‘allan o waith’. Lefelau uwch na’r cyfartaledd o amddifadedd ym mharth tai Mynegai Amddifadedd Lluosog Cymru.
