Nodweddion poblogaeth – strwythur oedran hŷn na BS Conwy, Cymru a Phrydain, canran arbennig o uchel o bobl 65+ gyda gostyngiad amlwg yn y grŵp oedran 16-44. Twf net isel yn y boblogaeth dros y 10 mlynedd diwethaf o gymharu â ffigyrau cenedlaethol, ond uwch na chyfartaledd BS Conwy. Dwysedd poblogaeth yn gymharol uchel. Ethnigrwydd a chrefydd gryn dipyn yn llai amrywiol na’r cyfartaledd cenedlaethol. Nifer y siaradwyr Cymraeg yn is na chyfartaledd Cymru, yr isaf o bob is ardal yn BS Conwy.
Iechyd – salwch hirdymor sy’n cyfyngu ar weithgareddau bywyd bob dydd yn sylweddol uwch na chyfartaledd Cymru a Lloegr, felly hefyd cyfran y gofalwyr di-dâl, yr uchaf o bob is-ardal yn BS Conwy, ar gyfer y ddau fesur. Lefelau uchel o bob salwch cronig o gymharu â chyfartaledd Cymru.
Tai a threfniadau byw – aelwydydd pensiynwyr yn unig yn llawer uwch na’r cyfartaledd cenedlaethol – yn enwedig aelwydydd pensiynwyr unigol. Maint cyfartalog aelwydydd yn is na’r cyfartaledd. Lefelau cymharol uchel o feddiannaeth perchennog a lefelau isel o rentu cymdeithasol. Prisiau tai gryn dipyn yn is na lefelau BS Conwy a Chymru ond mae fforddiadwyedd (cymhareb incwm i brisiau tai) yn arbennig o wael, yn y chwartel isaf.
Diogelwch cymunedol – cyfraddau trosedd yn uchel o gymharu â chyfartaledd BS Conwy ond yn gyffredinol is na ffigyrau Cymru a Lloegr.
Yr economi – cyflogaeth ym meysydd cynhyrchu/cyfathrebu/ cyllid/eiddo a’r diwydiannau proffesiynol/technegol/ gwyddonol yn gymharol isel. Lefelau cyflogaeth cymharol uchel yn y gwasanaethau iechyd a gwaith cymdeithasol a chyfanwerthu/ adwerthu. Lefelau cymwysterau’n isel o gymharu â ffigyrau cenedlaethol a ffigyrau BS Conwy. Hawlwyr budd-dal diweithdra’n uchel. Pobl 50+ yn cyfrif am gyfran uwch o’r hawlwyr budd-dal diweithdra na’r cyfartaledd.
Incwm a budd-daliadau – lefelau incwm yn is na’r cyfartaledd cenedlaethol. Cyfran uchel o bobl yn hawlio budd-dal o gymharu ag ardaloedd tebyg, yn fwyaf penodol budd-dal analluogrwydd a lwfans gofalwyr. Cyfran hawlwyr credydau pensiwn hefyd ychydig yn uchel.
Tlodi ac amddifadedd – mae cyfran uchel o blant mewn teuluoedd sy’n hawlio Credydau Treth Gwaith ar gyfer teuluoedd ‘mewn gwaith’ ac ‘allan o waith’. Lefelau uwch na’r cyfartaledd o amddifadedd ym mharth tai Mynegai Amddifadedd Lluosog Cymru.
