Nodweddion poblogaeth – strwythur oedran hŷn na Chymru a Phrydain, canran arbennig o uchel o bobl 65+ gyda gostyngiad amlwg yn y grŵp oedran 16-29. Twf poblogaeth net isel yn y 10 mlynedd diwethaf. Dwysedd poblogaeth yn gymharol uchel. Ethnigrwydd a chrefydd gryn dipyn yn llai amrywiol na’r cyfartaledd cenedlaethol, Nifer siaradwyr Cymraeg yn uwch na chyfartaledd Cymru.
Iechyd – salwch hirdymor sy’n cyfyngu ar weithgareddau bywyd bob dydd yn sylweddol uwch na chyfartaledd Cymru a Lloegr. Lefelau uchel o bwysedd gwaed uchel o gymharu â chyfartaledd Cymru.
Tai a threfniadau byw – aelwydydd pensiynwyr yn unig yn llawer uwch na’r cyfartaledd cenedlaethol. Maint cyfartalog aelwydydd yn is na’r cyfartaledd. Lefelau cymharol uchel o feddiannaeth perchennog a lefelau isel o rentu cymdeithasol. Prisiau tai yn sylweddol uwch na chyfartaledd Cymru. Fforddiadwyedd (cymhareb incwm i brisiau tai) yn arbennig o wael, yn y chwartel isaf.
Diogelwch cymunedol – cyfraddau trosedd yn isel o gymharu â ffigyrau Cymru a Lloegr, ond yn uchel o gymharu â chyfartaledd BS Conwy, yn arbennig dwyn a thrin eiddo wedi’i ddwyn.
Yr economi – cyflogaeth ym meysydd cynhyrchu/cyfathrebu/ cyllid/eiddo a’r diwydiannau proffesiynol/technegol/gwyddonol yn gymharol isel. Cyflogaeth gymharol uchel yn y gwasanaethau llety a bwyd (twristiaeth), gofal iechyd a gwaith cymdeithasol a chyfanwerthu/adwerthu. Pobl 50+ yn cyfrif am gyfran uwch o’r hawlwyr budd-dal diweithdra na’r cyfartaledd.
Incwm a budd-daliadau – lefelau incwm yn is na’r cyfartaledd cenedlaethol. Cyfran gymharol uchel o bobl yn hawlio budd-dal analluogrwydd.
Tlodi ac amddifadedd – cyfran uchel o blant mewn teuluoedd sy’n hawlio Credydau Treth Gwaith, yn enwedig teuluoedd ‘mewn-gwaith’ . Lefelau uwch na’r cyfartaledd o amddifadedd ym mharth diogelwch cymunedol Mynegai Amddifadedd Lluosog Cymru.
